Управата за јавни приходи (УЈП) ја објави првата листа на должници за оваа година. На листата има 1.995 правни лица (помалку за 11 од претходната листа) и 2.515 физички лица (помалку за осум од претходната листа).
Вкупно објавениот нето долг во листата изнесува 10.006.432.444 денари, помалку за 29.965.041 денари од претходната листа. Нето-долгот за даноци и придонеси изнесува 9.853.974.560 денари (помалку за 22.578.811 денари од претходната листа), додека долгот за царински давачки е 152.457.884 денари (повеќе за 7.386.230 денари од претходната листа).
На листата се најдоа имиња на физички правни лица кои имаат долгови доспеани до 30.09.2019 и неплатени до 31.12.2019 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини. За физичките лица и самостојни вршители на дејност, кои се најдоа на листата, долговите се повисоки од 120.000 денари, додека кај правните лица тој надминува 300.000 денари.
Фото: Pexels