ЕУ планира да воведе царини за стоки од Соединетите Американски Држави во вредност од 100 милијарди евра доколку преговорите меѓу Вашингтон и Брисел не успеат во врска со евентуалното намалување на најавените американски царини за членовите на Унијата, објави Блумберг, повикувајќи се на неименувани добро информирани извори.
Изворите велат дека листата со предложени нови европски тарифи против САД ќе биде дистрибуирана до земјите-членки уште утре и дека консултациите ќе траат еден месец пред финализирањето на листата.
Тие изјавија дека списокот може да се промени во тој период.