Менаџери од целиот свет се помалку песимистички за разлика од оваа пролет, но и за пост ковид периодот, кога се во прашање инвестициите во Европа. Ова се дел од резултатите на истражувањето на Ernst & Young.
Истражувањето е напраено во октомври, пред вестите за напредокот и ефикасноста на вакцините против Ковид-19, а покажува дека 42% од менаџерите очекуваат намалување на инвестиционите планови за оваа година, а во април тоа беше на ниво од 66%.
Над 30% од менаџерите решиле плановите за нови инвестиции да ги одложат за следната година, додека во април таква намера имаат 23%. Околу 10% од анкетираните рекле дека очекуваат поголеми инвестиции оваа година, додека во април такво очекување немаше скоро никој.
“Ветувачки е мислењето на инвеститорите дека Европа во следните три години ќе стане многу попривлечна за инвеститори што не беше случај пред пандемијата“, вели Џули Теигланд од EY.
Фото: Freepik
