На европските берзи во петокот наутро индексите пораснаа, па затоа се на пат кон добивки четврта недела по ред, додека инвеститорите го следат развојот на ситуацијата на Блискиот Исток.
Индексот STOXX 600 на водечките европски акции порасна за 0,5 проценти во 9:30 часот наутро и е на пат да добие околу 2,2 проценти оваа недела.
Утрово, лондонскиот индекс FTSE зајакна за 0,28 проценти, на 10.470 поени, франкфуртскиот DAX за 0,76 проценти, на 24.790 поени, а парискиот CAC за 0,51 процент, на 8.127 поени.
Азиските берзи исто така пораснаа
Цените на акциите исто така пораснаа на азиските берзи. Индексот MSCI на акциите од Азиско-пацифичкиот регион порасна за 0,4 проценти во 9:30 часот наутро и е на пат кон мал неделен раст.
Во исто време, цените на акциите во Индија, Австралија, Јужна Кореја, Шангај, Хонг Конг и Јапонија пораснаа помеѓу 0,4 и 2,7 проценти.