На почетокот на неделата европските и американските берзански индекси се во најголем дел во пад, а цената на златото и нафтата истовремено пораснаа. Франкфуртската берза DAX денеска во 9 часот падна на 17.686,25 поени, лондонскиот FTSE 100 на 7.628,10 поени, францускиот CAC 40 на 7.989,18 поени, додека московскиот MOEX се искачи на 3.350,77 поени.
Вредноста на американскиот берзански индекс Дау Џонс пред денешното отворање на берзата падна на 38.722,69 поени, индексот S&P 500 на 5.123,69 поени, а вредноста на индексот Nasdaq на 16.085,11 поени.
Според податоците на берзата, цената на суровата нафта се искачи на 78.088 долари, а на нафтата од типот „брент“ на 82.255 долари.
Европските фјучерси на гас се продаваа на отворањето на берзата ТТФ по цена од 26.150 евра за мегават-час.
Цената на златото порасна на 2.182,16 долари за унца (унца е еднаква на 28,35 грама), а цената на пченицата падна на 5,2475 долари за бушел (бушел е 27,216 кг).
Вредноста на еврото во однос на доларот изнесуваше 1,09413, што е приближно исто како и во петокот.
