Формула за успех – Ирска годинава со раст од 3%

5

Ирската економија годинава ќе порасне за 3,4% и покрај пандемијата на коронавирус, проценува Институтот за економски и социјални истражувања (ESRI). Проценката се подобри благодарение на “значително закрепнување“, во најголем дел потпирајќи се на силниот извоз, изјави независен институт за истражување.

Според нивните проценки, економијата треба да порасне за 4,9% следната година, се вели во извештајот.

“Позитивната стапка на раст на домашната економија оваа година е вистинско достигнување, но ирскиот пазар на труд веројатно ќе забележи високи стапки на невработеност уште некое време“, рече главниот автор на извештајот, Киеран Квин.

Стапката на невработеност во Ирска скокна над 20% во четвртиот квартал, како одраз на пад на домашната потрошувачка како резултат на затворањето на малопродажбата и услугите за да се спречи ширењето на Ковид-19.

Фото: Freepik