Германската полиција спроведе претрес во седиштето на Volkswagen, како дел од истрагата поврзана со скандалот за емисија на гасови во нивните дизел возила, пишува CNN Money.
Државните обвинители и полицијата извршија претрес во канцелариите во Волфсбург за да обезбедат документи и докази со цел да се утврди чија е одговорноста од овој скандал.
Од Volkswagen тврдат дека им ја предале комплетната документација на надлежните служби и дека ќе ја поддржат работата на обвинителите во корист на истрагата.
“Ова ќе помогне за брзо и целосно решавање на случајот, што е во интерес на Volkswagen“, велат од германската компанија.
