Американскиот технолошки гигант, Google најави заокружување на договорите за лиценцирање со медиумските куќи за следната година. Со тоа, Google се обврзува да плаќа надомест за објавување на новинарски статии, а во првата фаза се опфатени договори со медиумски куќи од Германија, Австралија и Бразил, пренесуваат странските медиуми.
“Денеска ја објавуваме програмата за купување на лиценци во рамки на коишто на издавачите ќе им плаќаме квалитетна компензација за новото ‘информативно искуство“, изјави портпаролот на Google, Бред Бендер на официјалниот блог на компанијата.
Ова таканаречено информативно искуство е производ на Google што од следната година ќе биде достапен на Google News и Google Discover.
Во првата фаза се опфатени договори со германски: Der Spiegel, Die Zeit, Frankfurter Allgemeine Zeitung и Rheinische Post, Schwartz Media, The Conversation and Solstice Media од Австралија и Diarios Associadosom i Gazeta од Бразил.
Фото: Freepik
