Во текот на последната деценија, паметните телефони и апликациите станаа сè попопуларни. Една студија ги испитa економските димензии на штетата од популарната игра Pokémon Go пред четири години. Извештајот е насловен Dеаth bу Роkémоn GО.
Според информациите, расеаните играчи на Pokemon GО доведоа до 145.000 сообраќајки, 30.000 повредени и 256 загинати. Штетата изнесуваше две милијарди долари за само 148 дена. Податоците се базираат на полициски извештаи од Индијана, по што штетите за целата територија на САД беа пресметани преку математички модел. Според извештајот, поради играта има зголемување од 47% на сообраќајните несреќи. Од 286 сообраќајни несреќи забележани во првите 148 дена по објавувањето на играта, 134 се случија во близина на таканаречените PokéStops.
Според скоро 12.000 извештаи за полициски несреќи за округот Типеканое за периодот од први март 2015 година до 30 ноември 2016 година, имало непропорционално зголемување на несреќите во близина на PokéStops пред и по шести јули 2016 година, кога играта била објавена.
Економската штета веројатно ќе биде многу поголема од тоа, бидејќи во извештајот се вели дека не вклучува трошоци за полицијата, пожарникарите, брзата помош, помош покрај патот, изнајмување автомобили и оштетување на друг имот.
Фото: Pixabay