Турски инвеститори имаат намера да вложат средства во алтернативни извори на енергија во Богданци. Тие вчера се сретнаа со градоначалникот на општината, Ристо Ичков.
На средбата се разговараше за условите што ги нуди Богданци и за можните локации за изградба на капацитети за производство на алтернативна енергија.
Инвеститорите од Турција ја изразија својата подготвеност да инвестираат во општината и посочија дека следните контакти ќе ги направат со надлежните ресорни министерства.
Исто така тие го информираа градоначалникот на Богданци дека веќе основале и компанија од областа на енергетиката во Македонија.
