Џенифер Гејтс, ќерка на основачот на Microsoft, Бил Гејтс во интервју за Sidelines открива детали за својот живот.
“Родена сум со големи привилегии. Мислам дека суштината е во тоа да ги искористам сите прилики и да научам од нив за да можам да ги пронајдам оние работи што навистина ме интересираат, но и да го направам светот барем малку подобро место“, рекла 24-годишната Џенифер, која е најстара ќерка на Бил и Мелинда Гејтс.
Таа рекла дека нејзините родители ѝ биле голема поддршка во сето она што го правела, но и дека се одлучила за медицина најмногу затоа што нејзините родителите се занимаваат со хуманитарна работа.
Џенифер Гејтс студира медицина во Њујорк, а има желба да стане педијатар или лекар по општа пракса. Освен медицината, таа е и џокеј, а се надева дека ќе си најде свое место во американскиот FEI национален куп, чија јавачка мрежа е меѓу најстарите и најпрестижни во овој спорт.
Во јануари оваа година, Џенифер се вери со египетскиот јавач на коњи, Наел Насар. Двајцата заедно студирале на Универзитетот Стенфорд, а и двајцата се љубители на коњичките спортови, тој професионално, а таа рекреативно.
Иако богатството на нејзиниот татко се проценува на над 108 милијарди долари, Бил во една прилика изјавил дека неговите деца ќе мора сами да ги се образуваат, а од наследството ќе добијат “само толку колку да не бидат сиромашни, бидејќи многу пари може да им го уништат животот“. Бил и Мелинда Гејтс имаат три деца, две ќерки и еден син.
Фото: Facebook