Ако порано во прв план беа елитните ресорти, all inclusive аранжмани, полни пансиони… денес веќе туризмот има други приоритети. Се менува начинот на којшто луѓето го замислуваат својот идеален одмор и се во постојана потрага по нови предизвици, алтернативни и одржливи форми на патување.
Сè повеќе луѓе одлучуваат удобните хотелски соби да ги заменат со камп приколки, да бидат поблизу до природата, да не го делат просторот околу нив со многу непознати луѓе и сами да го организираат својот одмор.
Луксузното кампување во последните неколку години стана глобален тренд, а пандемијата само ја потврди неговата флексибилност.
Масовниот туризам веќе паѓа во заборав, а поради потребата човек да се доближи до природата, му дава голема предност на кампувањето. Камп приколките имаат дизајн што на своите корисници им ја дава неопходната удобност, а во исто време и мобилност, па можат да застанат каде и да посакаат и да уживаат во природните убавини.
Многу светски дестинации нудат посебни инфраструктурни места наменети за кампување, па одморот може да започне некаде далеку од метежот и стравот од ширење на заразата.
Фото: Freepik
