Јапонскиот производител на автомобили Nissan дизајнираше канцелариски столчиња, коишто самостојно се паркираат до работната маса, пишува Engadget.
Доволно е еднаш да се плесне со рацете и овие футуристички столчиња се враќаат на првобитната позиција, со што го расчистуваат нередот што вообичаено се прави во поголеми канцелариски простории.
Од Nissan велат дека станува збор за модифицирање и модернизирање на постоечките Okamura столчиња. Нив ги следат четири камери поставени на ѕидовите во канцеларијата и истите симултано се контролираат преку Wi – Fi.
Но, не се очекува дека наскоро овие канцелариски столчиња ќе се најдат на пазарот. Најверојатно станува збор за кампања за промоција на автомобилите на Nissan со инсталирана паметна технологија за паркирање.
