Потрошувачите во еврозоната повеќе плаќаат со картички одошто со готовина од почетокот на пандемијата и планираат да продолжат со таа пракса. Ваквата пракса е поттикната и од подобрите услови за електронско плаќање, покажува истражувањето на Европската централна банка.
Пандемијата го забрза бесконтактното плаќање со картички, телефони, па дури и часовници.
Околу 40% од испитаниците во истражувањето изјавиле дека од почетокот на пандемијата помалку користат готовина, а 87% од нив планираат да ја задржат оваа навика и откако ќе заврши пандемијата.
Како најчеста причина за промена на навиките е олеснетото електронско плаќање во малопродажба, поради страв што го носат банкнотите.
Испитаниците од Шпанија и Португалија најмногу се грижат вирусот да не добијат преку допир со банкнотите, додека тој ризик е најмал во Естонија, Австрија и Словенија.
Фото: Freepik