Кина во 2021 година ќе биде главен поттикнувач на светската економија, со раст на економската активност за 7,9%, проценува Меѓународниот монетарен фонд (ММФ).
Тоа е нешто послаба прогноза од онаа којашто ММФ ја објави во редовниот есенски извештај во октомври, предвидувајќи дека втората најголема економија во светот во 2021 година ќе порасне за 8,2%.
ММФ сепак проценува дека забрзувањето ќе биде изразено во Кина одошто во останатите економии што се погодени со коронавирусот.
“Кинеската економија и понатаму брзо закрепнува од пандемијата, потпомогнато од силните настојувања да се сузбие кризата и со итни политички мерки за ублажување на последиците“, се наведува во извештајот на ММФ.
Фондот проценува дека кинескиот бруто домашен производ минатата година порасна за 1,9%, што би значело дека Кина е единствената економија што не забележа пад во годината што ја одбележа пандемијата.
Фото: Freepik
