Од 10 земји во регионот, Словенија има најниска стапка на проблематични од вкупните кредити од 3,4% во 2019 година, покажуваат податоците на Европската банкарска координација – Виенска иницијатива.
Веднаш зад Словенија се најдоа: Србија (4,1%), Романија (4,6%) и Македонија (4,6%). Од друга страна, највисока стапка на проблематични кредити лани имаа: Албанија (8,4%), Босна и Херцеговина (8%) и Бугарија (7,6%).
Обемот на проблематични кредити во регионот на централна, источна и југоисточна Европа во 2019 година е намален за 8,2% во однос на една година претходно на 33,8 милијарди долари, пренесува Seenews.
Просечното учество на проблематичните во вкупните банкарски кредити во регионот изнесуваше 3,8%, што е намалување од 1,1% во однос на претходната година.
За оваа година, поради пандемијата предизвикана од Ковид-19 се очекува пораст на проблематичните кредити, а нивното учество во вкупните кредити ќе зависи од брзината на економско закрепнување.
Фото: Freepik
