Македонија минатата година, според анализа на податоците на World top exports, од извоз на сирење заработи 1.743.000 долари. Со оваа висина на извоз, земјава е 82-ра во светски рамки.
На глобално ниво, извозот на сирење во 2018 година достигна 32 милијарди долари. Петте најголеми извозници на овој млечен производ се: Германија (4,5 милијарди долари), Холандија (четири милијарди долари), Франција (3,6 милијарди долари), Италија (3,2 милијарди долари) и Данска (1,7 милијарди долари).
Од земјите во регионот, најголем извоз на сирење лани имаше Грција – 530,4 милиони долари. Потоа следуваат: Бугарија (96 милиони долари), Србија (53,6 милиони долари), Хрватска (41,5 милиони долари), Словенија (37,9 милиони долари) и Босна и Херцеговина (3,8 милиони долари).
Фото: Pixabay
