Македонски Телеком во текот на 2020 година достигна пазарна капитализација од 30.093.376.920 денари, покажува Годишниот статистички билтен.
Во текот на минатата година, со овие акции се направени 315 трансакции и вкупен промет од 34.056.790 денари.
Втора компанија, според вредноста на акциите помножена со нивниот вкупен број, е Стопанска банка со 19.991.556.896 денари. Прометот остварен минатата година со акциите на банката е 145.268.999 денари преку 927 трансакции.
Фармацевтската компанија Алкалоид е трета според пазарната капитализација, којашто лани достигна вредност од 18.903.850.444 денари. Во 2020 година, со нивните акции се направени 3.895 трансакции и реализиран промет од 1.132.853.535 денари.
Две банки, Комерцијална и НЛБ, се меѓу петте компании со највисока пазарна капитализација во 2020 година. Комерцијална банка лани имаше вредност од 16.636.391.427 денари, а преку 7.501 трансакција направен е промет од 2.430.134.396 денари. Петта е НЛБ банка со пазарна капитализација од 15.723.263.010 денари, а со 1.577 трансакции направен е промет од 719.868.478 денари.
Фото: Freepik
