Необичен дом кој е изграден во пустинска карпа се продава по цена од 4,2 милиони долари, а оригиналната куќа се наоѓа во богатиот регион Скотсдејл во Аризона.
Повеќе од половина, односно 60% од целата структура е вешто вградена во огромни карпести блокови. Ѕидовите, подовите, таваните се наизменично правени од карпи и малтер, правејќи го зданието едно со природата.
Ходниците во куќата се прилично темни поради недостатокот на прозорци, што е всушност и пожелно со оглед на жешкото сонце во пустината. Во кујната, дневната и спалните соби сончевите зраци продираат од неколку места на карпата и даваат една необична димензија во осветлувањето.
Тука е и терасата што нуди неверојатен поглед на пустината во Аризона.
