Претседателката на Европската централна банка (ЕЦБ), Кристин Лагард изјави дека политиките преземени од централните банки и владите ширум светот за време на кризата предизвикана од пандемијата на коронавирусот спречиле катастрофална депресија.
Лагард рече дека преземените мерки го апсорбираат шокот предизвикан од пандемијата во економијата.
“Во спротивно, ризикуваме хистерија на пазарот на трудот, непотребно губење на одржливи бизниси и зголемување на нееднаквоста“, предупреди претседателката на Европската централна банка.
Таа посочи дека економското закрепнување на еврозоната останува неизвесно заради новите бранови на инфекција со Ковид-19, што може да предизвика воведување на построги мерки за социјално дистанцирање.
Како што изјави таа, сектори како што се угостителство, храна и транспорт може да бидат загрозени, а во еврозоната, тие сектори создадоа скоро една петтина од работните места од 2013 година.
“Затоа, не само што треба да ги заштитиме постојните бизниси, туку исто така мора да создадеме и нови, кои одразуваат нови модели на побарувачка по пандемијата“, рече Лагард.
Фото: Facebook
