Милијардерот од Силиконската долина, Илон Маск изјави дека се преселил од Калифорнија во Тексас, со образложение дека сака повеќе да се посвети на новата фабрика за електрични возила на Tesla и на вселенскиот оддел во SpaceX.
“Двете работи на коишто сум посветен се развој на Starship во Јужен Тексас и новата голема фабрика на Tesla“, рекол 49-годишниот милијардер за Wall Street Journal.
Тексас би можел да значи и даночно олеснување за вториот најбогат човек во светот. Во таа американска држава не се плаќа данок на доход, додека во Калифорнија е една од највисоките даночни стапки во САД.
Скокот на вредноста на акциите на Tesla за повеќе од 670% го зголеми богатството од 27 на 155 милијарди долари, веднаш зад основачот на Amazon, Џеф Безос.
Фото: Instagram