Европа ќе мора да го „пребара светот“ во потрага по нафта која е со ист квалитет како руската, но ќе се соочи и со недостиг на одредени видови гориво, смета Дмитриј Медведев, претседател на Советот за безбедност на Руската Федерација.
Ден претходно, Европската унија во службен весник го објави шестиот пакет санкции против Русија.
Меѓу другото, предвидува и постепено воведување ембарго за увоз на нафта од Руската Федерација.
„Не постои начин веднаш да се откаже од нашата нафта. Тие можат да ги потпрат до ѕид своите граѓани и компании. Затоа, тие одлучија да го одложат проектот за неколку месеци за да најдат алтернативни извори на снабдување. Сега Европејците ќе мора да патуваат низ светот во потрага по суровини со ист квалитет“, напиша тој на својот канал Телеграм.
„Во исто време ќе се соочат со недостиг на одредени видови гориво, како што е дизелот, кој е неопходен за камионите и земјоделската опрема“, рече Медведев.
