Во текот на 1960-тите и 1970-тите, НАСА издвои над 250 милијарди долари за своите различни мисии, додека Индија минатата недела успеа да влезе во вселенската историја за мал дел од таа сума.
Минатата недела индиското вселенско летало Чандрајаан-3 слета на јужниот регион на Месечината, од каде ги испрати првите фотографии од Земјиниот сателит, пренесува N1.
По неуспешниот обид во 2019 година, овој потфат беше широко прославен во оваа земја, особено затоа што чинеше „релативно евтино“ кога се разгледуваа сметките на НАСА (додека мора да се нагласи дека НАСА оваа сума ја инвестираше во бројни потфати).
Chandrayaan-3, како што пишува Unilad, ја чинел државата и Индиската организација за вселенски истражувања (ISRO) само 6,15 милијарди рупии, што е околу 75 милиони долари (околу 70 милиони евра).
Но, тоа не е само евтино според стандардите за инженерство или истражување на вселената, туку и кога станува збор за холивудските продукции каде актерите се преправаат дека се астронаути (и заработуваат многу повеќе од вистинските).
Унилад го даде примерот на епскиот научно-фантастичен филм на Кристофер Нолан „Interstellar“ од 2014 година, чија продукција чинеше 165 милиони долари (околу 150 милиони евра).
Фото: facebook
