Од први јули наваму, преку апликацијата за поврат на данок на додадена вредност, МојДДВ скенирани се над пет милиони фискални сметки, чија вредност е 2.768.341.908 денари, информираат од влада.
Досега вкупно 135.000 граѓани ја симнале апликацијата, а досега е пресметан поврат на ДДВ во висина од, како што изјави премиерот Зоран Заев, 44.827.000 денари.
Наплатата на ДДВ за првите шест месеци, вклучително и 23 дена од јули, како што се наведува, е зголемена за 6,6%, персоналниот данок е зголемен за 15,9%. Придонесите од плати за пензиско и инвалидско осигурување пораснале за 9,8%, придонесите за здравствено осигурување за над 8%. Вкупните приходи на државата, заклучно со 24-ти јули, во споредба со лани, се зголемиле за 8,6%.
Фото: Pixabay