Во Германија во ноември, првпат после неколку месеци, повторно порасна бројот на компании чии вработени работат со скратено работно време. Уделот на компаниите што применуваат скратено работно време порасна на 28% овој месец од 24,8% проценти во октомври, се наведува во соопштението на Економскиот институт ИФО, пренесува Танјуг.
Меѓу хотелите тој удел пораснал од 62,9% на 91%, во угостителството од 53,4% на 71,7%, а меѓу туристичките агенции и туроператори од 88 на 91,1%.
Се проценува дека скратеното работно време е регистрирано во скоро сите главни економски сектори. Во услужниот сектор, уделот на компании со скратено работно време порасна од 24 на 30,6%, во трговија од 18,8 на 20,7%, а во градежништвото од 7,4 на 9%. Само во преработувачката индустрија е забележан благ пад од 31,9 на 30,5%.
Фото: Freepik