Извршниот одбор на Народна банка на Србија на вонредна седница ги усвои прописите коишто им овозможува на должниците да ги одложат обврските по основ на кредити, кредитни производи и лизинг, пишува Танјуг.
Должниците ќе може да ја одложат исплатата на ратите за кредит што доспеваат во период од први август заклучно со 30-ти септември оваа година. Исто така, се овозможува и застој на отплата на обврските што доспеале во јули оваа година, а должникот не ги подмирил.
Одлуката за нов мораториум во Србија стапува на сила денеска.
Инаку, мораториумот се применува на обврски по основ на кредити и кредитни производи во банките, како што се дозволен минус и кредитна картичка, како и други банкарски производи или банкарски гаранции. Мораториумот нема да се применува на обврски за услуги во платниот промет, како што е провизија за извршени трансакции, надоместок за одржување на сметките, како и на инвестициони, брокерско – дилерски услуги, сефови и слично.
За време на мораториумот, банката не ја пресметува редовната (договорена) камата на обврските што доспеваат во текот на неговото времетраење. Банката пресметува редовна камата на недоспеаниот долг, а износот на редовната камата одговора на износот на каматата што е во планот на отплата што важел пред да стапи на сила одлуката за мораториум.
Слична ваква мерка беше воведена и во нашата земја, како одговор на кризата што ја предизвика пандемијата на коронавирусот.
Фото: Freepik