Нова криза: Производителите на чипови останаа без работници

79

Најголемите производители на чипови се соочуваат со уште една тешка криза, покрај недостигот на компоненти, сè помалку се висококвалификуваните работници, наведува „Блумберг“. Намалувањето на понудата на квалификувани работници со години ги загрижува сопствениците на различни компании, но денес тоа се влошува со глобалниот недостиг на работна сила поради пандемијата.

Многу индустрии се борат со недостиг на луѓе. Иако производителите на чипови имаат предност, откако нивните процеси се меѓу најавтоматизираните, високотехнолошката опрема што се користи во нивните фабрики сè уште бара квалификувани работници да ја користат.

Обемот на проширувањето што моментално се случува создава исклучителна побарувачка за персонал, често во „ниша“ областите. На новите фабрики за чипови им требаат илјадници дипломци за работа. Техничарите го следат и управуваат процесот на производство, а истражувачите помагаат да се создадат иновации во типовите на чипови и начини за нивно производство.

Само во Соединетите Американски Држави, до 2025 година ќе бидат додадени околу 70.000 до 90.000 вработени во споредба со нивоата од 2020 година за да се задоволат најважните потреби за работна сила за очекуваното проширување, според извештајот на компанијата за управување со таленти Eightfold.ai.

Поамбициозната експанзија што би ги направила Соединетите Американски Држави независни од странски залихи, како што бараат некои конгресмени, ќе го зголеми бројот на 300.000 дополнителни работници, се вели во студијата.

Владите можат да играат клучна улога во трката за таленти. Компаниите за чипови во САД лобираа кај властите да им дозволат да привлечат персонал од странство.