Попладне локален пороен дожд, грмежи и засилен ветер

24

dozd-veter-pixabay

Фото: Pixabay

Претпладне времето во Македонија ќе биде сончево и топло, попладне ќе има појава на нестабилност со локален пороен дожд, грмежи и засилен ветер особено во западните делови. Поинтензивни процеси се очекуваат во ноќните часови кога ќе има пообилни врнежи од дожд и услови за зголемена појава на град. Во текот на денот и ноќта ќе дува умерен до засилен ветер од југозападен правец.

Утринската температура ќе се движи од девет до 17, а дневната од 24 до 33 степени.

Во Скопје претпладне времето ќе биде сончево и топло. Кон крајот на денот ќе има услови за појава на нестабилност со пороен дожд и грмежи. Ќе дува умерен до засилен јужен ветер. Утринската температура ќе се спушти до 14, а дневната ќе се искачи до 31 степен.