Данскиот фармацевтски гигант Ново Нордиск накратко го престигна францускиот гигант за луксузни стоки LVMH и стана највредната компанија во Европа.
Пазарната капитализација на Ново Нордиск беше 421 милијарда долари, вклучувајќи ги и акциите кои не се на берза, во петокот, според податоците на Refinitiv, цитирани од Ројтерс. Од друга страна, пазарната капитализација на француската компанија изнесуваше 420,97 милијарди долари. Еден час подоцна, LVMH го врати „првото место“ кое го држеше две и пол години.
Ново Нордиск ги произведува лековите Ozempic и Wegovy, кои создадоа многу возбуда во текот на изминатата година за нивната потенцијална употреба во губење на тежината. Зголемувањето на вредноста се случи и затоа што инвеститорите сега се обложуваат на потенцијалот на овие лекови.
По успешните клинички испитувања на лекот, цената на акцијата се зголеми повеќе од трипати во изминатите три години и е зголемена за 66% во изминатите 12 месеци.
Успехот на Ново Нордиск се одрази и на данската економија. Данска ја ревидираше својата прогноза за годишен раст на БДП на 1,2% од 0,6%, наведувајќи го поттикот од фармацевтската индустрија како клучен фактор.
