НЛБ Банка АД Скопје информира дека согласно Глава 6 од Правилата за котација, се вршат кадровски измени во органите на управување на банката.
Народната банка на Република Северна Македонија на 1 септември 2025 година издала официјално решение со кое дава претходна согласност за именување на Алеш Ипавец за нов член на Надзорниот одбор на НЛБ Банка АД Скопје. Мандатот на Ипавец ќе трае четири години, со почеток од 13 септември 2025 година.
Со ова решение, истовремено се означува и престанок на мандатот на Боштјан Ковач, кој досега беше член и заменик-претседател на Надзорниот одбор. Неговиот мандат официјално завршува на 12 септември 2025 година.