![pexels-photo-373076](https://biznisinfo.mk/wp-content/uploads/2020/02/pexels-photo-373076-696x464.jpeg)
Вкупниот промет на Македонска берза, во период од 17-ти до 21-ви февруари, изнесуваше 1.624.270 евра или 34,62% помалку во однос на претходната недела, покажува Неделниот преглед на Берзата.
Пад од 5,05% има кај вкупниот број на трансакции – 470, додека пазарната капитализација се позиционираше на 3.410.932.211 евра или 0,33% повеќе во однос на претходната недела.
Најтргувани акции, од 17-ти до 21-ви февруари, беа оние на: Алкалоид, Комерцијална банка, Макпетрол, Реплек и Гранит.
Вредноста на индексот МБИ 10, на 21-ви февруари, беше 5.000,55 поени или 0,32% повеќе во однос на минатиот петок. Пазарната капитализација на 21-ви изнесуваше 2.018.337.692 евра или 1,59% повеќе во однос на претходниот петок.
Фото: Pexels