Просечната месечна исплатена нето плата во јули оваа година изнесува 21.861 денари, додека бруто износот е 32.145 денари, покажуваат податоците на Државниот завод за статистика.
Просечната месечна исплатена нето плата по вработен во јули оваа година, во однос на истиот период лани, бележи пораст од 2,4%.
Ваквото зголемување се должи, пред сè, на зголемувањето на просечната месечна исплатена нето плата по вработен во секторите: Уметност, забава и рекреација (11%), Други услужни дејности (9,9%) и Рударство и вадење на камен (4,6%).
Намалување на просечната месечна исплатена нето плата по вработен, во однос на претходниот месец, е забележано во секторите: Уметност, забава и рекреација (10,2%), Трговија на големо и трговија на мало; поправка на моторни возила и мотоцикли (4,2%) и Јавна управа и одбрана; задолжително социјално осигурување (4,2%).
Во јули 2015 година, 1,7% од вработените во Република Македонија не примиле плата.