Повеќе од 3,5 милиони луѓе го загубија статусот милионер (во долари) минатата година, што е прв пад на глобалното богатство од финансиската криза во 2008 година.
Бројот на луѓе со имот поголем од 1 милион долари падна од 62,9 милиони на крајот на 2021 година на 59,4 милиони на крајот на 2022 година, според годишниот извештај за богатството на UBS. Швајцарската банка соопшти дека глобалното богатство е намалено поради високата инфлација и падот на многу валути во однос на доларот, пишува Гардијан.
Бројот на милионери во САД се намали за 1,8 милиони на 22,7 милиони, но САД сè уште имаат многу повеќе милионери од која било друга земја. Кина имаше втор најголем број со 6,2 милиони.
И покрај падот, извештајот покажа дека во светот има четири пати повеќе милионери отколку на почетокот на 21 век.
500-те најбогати луѓе во светот изгубиле вкупно 1,4 трилиони долари во 2022 година, според одделното истражување од Индексот на милијардери на Блумберг.
Според економистите на UBS, кои го забележаа „првиот пад на нето глобалното богатство на домаќинствата по глобалната финансиска криза во 2008 година, супербогатите, многу богатите и сиромашните забележаа комбиниран пад на богатството во 2022 година“.
Исто така, вкупното приватно богатство падна за 11,3 трилиони долари или 2,4 отсто, на 454 милијарди долари. Просечното богатство по возрасен падна за 3.200 долари на 84.718 долари.
„Овој исход претставува прекин во речиси континуираното проширување на богатството на домаќинствата овој век“, велат од банката.
Глобалното богатство и неверојатните економски промени
Се вели дека падот ќе се почувствува уште поостро во реални услови поради зголемената инфлација ширум светот. Финансиите на домаќинствата се притиснати од наглото зголемување на цената на сè, од храна до енергија. Во меѓувреме, „четвртата индустриска револуција“ – брзиот развој на технологијата и автоматизацијата – ги превртува и преобликува економиите.
Пол Донован, главен економист во UBS, рече:
„Глобалната економија доживува период на неверојатни економски промени. Огромните промени на четвртата индустриска револуција го претставуваат најдраматичниот структурен пресврт во последните 250 години.
Уделот на глобалното богатство што го држат најбогатите 1% падна малку на 44,5%, повлекувајќи дел од зголемувањето на нееднаквоста во богатството за време на пандемијата. За да бидете дел од првите 1% ви требаат средства од најмалку 1.081.342 долари.
