Железници на Македонија Транспорт АД-Скопје информира дека се пуштени во сообраќај три нови електролокомотиви.
Вредноста на трите нови локомотиви изнесува 6.414.000 евра, а треба да биде набавена уште една, со што вкупната вредност на проектот е 8.678.600 евра.
Овие електро локомотиви се изработени согласно најстрогите европски директиви, критериуми и стандарди и ќе овозможат поквалитетен, побрз и побезбеден железнички превоз на пругите на територијата на Република Северна Македонија.
Со пристигнувањето на новите 3 електро локомотиви, се заокружува Проектот за Ревитализација на возниот парк на Железници на Република Северна Македонија Транспорт АД-Скопје, што претставува големо задоволство за нас, имајќи предвид дека последните локомотиви кои се купени датираат пред 45 години, во далечната 1975 година, велат од Железници-Транспорт.
