Регулаторната комисија за енергетика (РКЕ) на денешната седница ги утврди највисоките малопродажни цени на нафтените деривати и горивата за транспорт во Македонија. Новите цени стапуваат на сила вечерва по полноќ (од 00:01 часот на 24.03.2026 година).
Нови цени на бензинските пумпи:
Од полноќ, горивата ќе се точат по следните максимални цени:
Највисоките малопродажни цени на нафтените деривати и горива за транспорт,
изнесуваат:
– Моторен бензин – ЕУРОСУПЕР БС – 95 – 86,50 (денари/литар)
– Моторен бензин – ЕУРОСУПЕР БС – 98 – 88,50 (денари/литар)
– Дизел гориво – ЕУРОДИЗЕЛ БС (Д-Е V) – 95,50 (денари/литар)
– Масло за горење – Екстра лесно 1 (ЕЛ-1) – 92,00 (денари/литар)
– Мазут М-1 НС – 47,610 (денари/килограм)
Во овие крајни цени за потрошувачите се пресметани сите давачки, вклучувајќи го данокот на додадена вредност (ДДВ), акцизите (кои за бензините изнесуваат 22,00 денари, а за дизелот 15,50 денари по литар), надоместоците за екологија, задолжителните нафтени резерви, како и трговските маржи и транспортните трошоци.
Од РКЕ напоменуваат дека трговците на големо и мало со нафтени деривати можат да ги формираат своите цени и пониско од максимално утврдените граници.