РЖ Техничка контрола во првите три месеци од годинава работеше со добивка од 861.000 денари, покажува билансот на успех за периодот од јануари до март 2017 година.
Во првото тримесечје од 2016 година, компанијата прикажа добивка од 2.619.000 денари.
Вкупните приходи од продажба заклучно со 31-ви март изнесуваат 19.952.000 денари. Од тој износ, поголемиот дел или 19.940.000 денари се остварени на домашен пазар, додека остатокот од 12.000 денари е реализиран преку извоз.
Основна дејност на компанијата е техничко испитување и анализа. РЖ Техничка контрола дава услуги за физичко – хемиски и металуршки испитувања од областа на индустријата, рударството и металургијата.
