САД во 2022 година ќе станат најголемиот извозник на течен природен гас во светот

53

САД во 2022 година ќе станат најголемиот извозник на течен природен гас во светот надминувајќи ги Австралија и Катар, соопшти рејтинг агенцијата Фич.

Оваа проценка се должи на зголемените испораки на американски ТПГ во Кина, што растат со брзо темпо, а се очекува голема побарувачка и во други азиски земји.

Во меѓувреме, американскиот гас го истиснува рускиот од пазарот во Европа.

Производителите на ТПГ во САД се надеваат дека ќе склучат долгорочни договори за испорака на својата продукција до кинеските потрошувачи.

Според оценките на рејтинг агенцијата, во 2021 година увозот на американски ТПГ во Кина изнесувал 83 милиони тони. Тој показател во 2020 година изнесувал 68 милиони тони, а годинава се очекува да надмине 85 милиони тони.

За 2022 година владее оптимизам. Очекуван раст на извозот годинава е 9.3 отсто. Побарувачката на гас расте заедно со економскиот раст. Политиката на владата е насочена кон зголемување на уделот на природниот гас во опшиот енергетски баланс, истакнуваат од агенцијата.

Агенцијата Блумберг во понеделникот соопшти дека испораките на природен гас од САД во Европа постепено се зголемуваат и почнуваат да го истиснуваат природниот гас од Русија.