Американскиот трговски дефицит со светот се зголеми и во 2025 година, а најголемиот дефицит на САД е забележан во трговијата со Европската Унија, според извештајот на Министерството за трговија.
Американскиот трговски дефицит со светот порасна минатата година во реални услови за 5,7 проценти, на 1,19 трилиони долари. Во 2024 година порасна за речиси 10 проценти, пишува Хина.
Американскиот извоз на стоки минатата година порасна во реални услови за 3,2 проценти, достигнувајќи вредност од 1,78 трилиони долари. Во 2024 година, неговата вредност се зголеми за 2,5 проценти.
Вредноста на увезената стока се зголеми во реални услови за 4,2 проценти, на 2,98 милијарди долари. Во 2024 година, се зголеми за 5,1 процент, покажаа пресметките на министерството.
Минатата година, најголемиот надворешно-трговски дефицит на САД е забележан во размената на стоки со Европската Унија, од 218,8 милијарди евра. Со тоа, ЕУ ја симна Кина од првото место на ранг-листата, според американскиот трговски дефицит со азискиот гигант од 202,1 милијарди долари.
Минусот е сепак помал отколку што беше во 2024 година, кога САД забележаа дефицит од дури 295,4 милијарди долари во трговијата со Кина. Размената со ЕУ покажа дефицит на САД од 235,6 милијарди долари во 2024 година.
Мексико е на второ место на листата на земји со кои САД имаа голем дефицит во 2025 година, со американски дефицит од 196,9 милијарди долари. Во 2024 година, тој изнесуваше 171,8 милијарди долари.
Минатата година, американскиот трговски дефицит со Виетнам, исто така, значително се зголеми, на 178,2 милијарди долари. Во 2024 година, тој изнесуваше 123,5 милијарди долари.
Лани, САД забележаа најголем суфицит во трговијата со Холандија, од 60,7 милијарди долари, што е малку повисоко отколку во 2024 година. Американскиот суфицит во трговијата со Велика Британија минатата година изнесуваше 32,2 милијарди долари и беше речиси три пати поголем отколку во 2024 година.
САД лани забележаа суфицит во размената на услуги со светот, од 339,5 милијарди долари, што е за 8,9 проценти повисоко отколку во 2024 година, покажуваат податоците на министерството.