САД воведоа нови санкции кон Русија, на удар банка и руски олигарх

19

САД воведоа нови санкции за десетици поединци и субјекти поради рускиот напад врз Украина.

На удар се и комерцијалната банка „Транскапиталбанк“ и рускиот олигарх Константин Малофејев, јавува Си-Ен-Ен.

Министерството за финансии на САД во средата објави дека санкционирало глобална мрежа од повеќе од 40 луѓе и ентитети предводени од Малофејев заедно со клучна комерцијална банка, како и компании на црната листа во руската индустрија за ископување криптовалути, наводно трета по големина во светот.

Покрај тоа, Стејт департментот воведе визни ограничувања како одговор на руската војна и за „поткопување на демократијата во Белорусија“, пишува Си-Ен-Ен.