Саем за транспорт – товарни возила од 25 до 28 мај

23

saem

Во периодот од 25 до 28 мај на надворешниот изложбен простор на Скопски саем, на изложбена површина од 2.500 метри квадратни ќе се претстават импортерите на товарни и комерцијални возила, компании кои вршат услужни дејности и компании од пратечката индустрија за товарните возила.

На саемот ќе се претстават следните брендови/компании:

  1. Schmitz Cargobull (овластен импортер Шмиц Каргобул Македонија)
  2. Mercedes Benz (официјален застапник МакАутоСтар)
  3. Iveco (преку овластениот импортер Cargomax)
  4. DAF (овластен импортер ДМ Транс)
  5. Kogel (овластен импортер ДМ Транс)
  6. Krone (овластен импортер Траилер центар Југ-исток)
  7. Volvo (преку овластениот импортер Волво Македонија)
  8. Scania (претставени преку овластениот импортер Сканиа Македонија)
  9. Great wall (претставени преку овластениот импортер Толту моторс)
  10. Мотоцентар (увозник на водечки брендови на гуми)

Деловните посетители и граѓаните ќе може да видат брендови на импортери на товарни возила од светска класа, со влекачи, камиони, но и приклучни возила, односно приколки и полуприколки, како и доставни возила. Саемот обезбедува богат избор на возила со висок квалитет, модерен дизајн, економични со достапни цени, долговечна употреба и ниски трошоци за одржување.

Партнер на манифестацијата ќе биде, веќе традиционално, СИЗ Македонија сообраќај – АМЕРИТ, најстарата транспортна асоцијација во Република Македонија.

Се очекува бројот на посетители на оваа саемска манифестација да биде околу 5.000 лица.

Работното време на саемот ќе биде од 10:00 до 18:00 часот, а влезот за посета е бесплатен.