Накратко: Samsung го менува обликот на Fold-серијата и за првпат ѝ дава причина на широката публика да го земе сериозно, ако може да го плати нејзиниот изглед.
Нов облик, нова идеја
Годинава Samsung го остави Flip8 релативно безбедна, но Fold8 е сосема друга приказна. Galaxy Z Fold8 беше претставен на 22 јули 2026, а продажбата почна на 7 август. Телефонот има „пасошки” формат, со поширок и попрактичен екран. Надворешниот екран е 5,5-инчен OLED со сооднос 16:10, и тоа е прво што го забележувате: ова повеќе не е тесна лента што на мигови се користи со еден палец и многу трпение.
Лесен, тенок, „нормален”
Најголемото изненадување е тежината. Со 201 грам, Fold8 е најлесниот Samsung-ов преклопник во форма на книга, а во џеб се чувствува речиси како обичен телефон. Рецензентите низ светот велат дека дизајнот е најсилната страна на уредот, а луѓето се свртувале или го прашувале што е тоа.
Внатрешниот екран
Тука е вистинската промена. Најголемото подобрување не е процесорот, батеријата ниту AI, туку обликот на екранот со сооднос 4:3. Филмови, YouTube и стрип-читање изгледаат како создадени за него. За Instagram ќе се помачите. Браздата во средина е речиси исчезната: од погоре е скоро незабележлива. Уредот е одличен ако сте љубител на мобилно видео или читате долги текстови, а во остатокот на времето имате имате уред кој многу лесно го манупулирате само со палецот. Да не повторуваме дека во џебот се осеќа како нотес или пак новчаник.
Перформанси и батерија
Внатре е прилагодена верзија на Snapdragon 8 Elite Gen 5, а за неа се вели дека работи исклучително брзо. При подолго играње уредот се загрева, но никогаш не станува непријатен за држење.
Батеријата е 4.800 mAh, а Samsung ветува до 26 часа видео репродукција. Полнењето е 45W по кабел и 20W безжично. Уредот има и IP48 заштита од вода и прашина.
Камери: добри, но не за оваа цена
Главната камера е со 50 MP, а ProVisual Engine го врши поголемиот дел од работата. На дневна светлина фотографиите се јасни и детални, но ноќе не се на ниво на Galaxy S26 Ultra. Најголемата замерка: нема посебен зум-објектив, што делува разочарувачки за премиум цената.
Што не е совршено
Надворешната тастатура е тесна, а има и проблеми со одредени апликации.
Внимавајте со носачите за телефон во автомобил, бидејќи новиот облик може да не се вклопи во нив.
Во Британија, САД и Австралија тестираниот уред чинеше £1.699, $1.899 односно AU$2.699. Тоа е многу пари, па за македонскиот купувач цената најверојатно ќе биде главната пречка.
Пресуда
Се придружуваме на мислењето на мнозинството дека е најдобриот Fold што Samsung го направил, но цената ќе ги предомисли многумина.
Вреди ако: гледате многу видеа, читате, ‘мултитаскате’ и сакате телефон на преклоп што не личи на цигла.
Прескокнете ако: камерата ви е приоритет, цената ве плаши или ви треба нешто што се вклопува во секој моден додаток.
