Се наоѓаме во сезона на пиперките, односно кога во домовите овој зеленчук има широка примена, во зависност од желбите на креативните домаќинки.
Во светски рамки, минатата година извозот на благи и лути пиперки достигна вредност од 5,5 милијарди долари, покажуваат податоците од анализата на World’s top exports.
Шпанија е извозник број еден, којашто минатата година од извоз на пиперки инкасираше 1,2 милијарди долари. Во првите пет влегуваат и: Мексико (1,1 милијарда долари), Холандија (една милијарда долари), Канада (386 милиони долари) и САД (242 милиони долари).
Од земјите во регионот, Словенија е 19-та со извоз од 31 милион долари. Потоа следува Грција со 30,9 милиони долари. Минатата година земјава од извоз на благи и лути пиперки заработи 12,2 милиони долари. По нас следуваат: Србија (осум милиони долари), Албанија (7,4 милиони долари), Бугарија (5,6 милиони долари), Хрватска (880.000 долари), Босна и Херцеговина (791.000 долари) и Црна Гора (31.000 долари).
Фото: Pixabay
