Штерјо Наков, првиот човек на Фершпед и неговиот заменик Кираца Трајковска, се повлекуваат од раководните места, објави компанијата во информацијата за претстојното акционерско собрание што ќе се одржи на 29 март.
Засега не се знае кој би можел да ги замени Наков и Трајковска, иако се зборува дека на раководното место би можел да седне Драган Наков, еден од двата сина на Штерјо.
На 29 март акционерското собрание ќе бира нови членови на надзорниот одбор, а предложени се токму Штерјо Наков и Кираца Трајковска.
Во сопственост на Фершпед се винарницата Сковин и поголем број хотелски капацитети, меѓу кои Александар Палас.
