Симптоми дека сте жртва на “прегорување“ на работа: СЗО ќе го класифицира овој синдром како дијагноза?

74

Стресот на работа е вообичаен, но не ги погодува сите со т.н. „синдром на прегорување“ или „burn-out“. Имено, Светската здравствена организација (СЗО) објави дека овој синдром може да стане дијагноза во наредниот период.

Ова значи дека, поради исцрпеност на работа, ќе может да се добие лекарско уверение и боледување. СЗО го вклучи стресот поврзан со работата во 11-то издание на прирачникот за меѓународна класификација на болести како професионален феномен.

Договорот е земјите-членки на СЗО да започнат со примена на оваа одлука во здравствените установи од 1 јануари 2022 година. Сепак, не секогаш е лесно да се препознаат симптомите на „прегорување“ на работното место.

Еве неколку показатели:

1. Секој ден изгледа лош

2. Грижата за работата или саканите луѓе изгледа како губење време

3. Се чувствувате уморно 24/7

4. Задачите што ги извршувате секој ден ве исцрпуваат максимално и изгледаат бесмислени

5. Ви се чини дека не се вреднува ништо од тоа што правите

Може да почувствувате само некои од овие „симптоми“, што е веќе знак дека сте на почетокот. Прегорување или „burn-out“ се јавува како реакција на телото на прекумерен и продолжен стрес што поединецот го трпи секојдневно на работа.

Важно е да се истакне дека синдромот е поврзан со општа исцрпеност, што значи – психо-физичка. Почетокот обично е проследен со состојби како што се несоница, слаб апетит, намален имунитет, главоболка или висок крвен притисок. Потоа, може да се случи да заборавите, дека имате слаба концентрација или сте преосетливи, чувствувате празнина.

Шефот треба да се грижи за работната средина, не само поради грижата за работниците, туку и ако сакаат да видат резултат. „Burn-out“ синдромот е поврзан со пад на мотивацијата и продуктивноста, со грешки во работата, и често има зголемено отсуство од работа или доцнење.

Исто така, не треба да заборавиме дека овој вид стрес особено го почувствуваа работниците во текот на 2020 година, поради општа неизвесност, намалени плати и прекувремена работа од дома.

Една неодамнешна студија на Светската здравствена организација покажува дека прекувремената работа е најголемиот предизвикувач за здравствена инсуфициенција и дека оние кои работат 55 часа или повеќе неделно имаат 35 проценти поголема веројатност да умрат од мозочен удар и 17 проценти поголеми шанси да добијат проблеми со срцето, споредено со работници кои работат 35-40 часа неделно.

Фото: Pixabay