Подготвувањето на храна повеќе не подразбира само умешност да се подготват и искомбинираат потребните намирници.
Доказ за тоа е скарата со голем број додатоци, како што е стапче за правење на популарното selfie, држач за iPad, фарови, рефлектори, звучници, уред за отворање шишиња…
Еден од најголемите синџири на супермаркети во Велика Британија – Asda, спроведе анкета, чија цел е да ги праша нивните потрошувачи како ја замислуваат идеалната скара.
По анализа на резултатите, беше ангажиран дизајнерот Оливер Бојд, кој требаше да ги сублимира сите овие податоци во едно.
“Ми беа потребни шест до седум дена напорна работа, но финалниот резултат е одличен. Може да слушате музика, да има место за вашето пиво и да правите selfie додека ја подготвувате омилената храна. Ја имав таа можност да дизајнирам fast and furious машина. Таа го прави готвењето поинтересно“, вели Бојд за британски Mirror.
