Компанијата SpaceX на Илон Маск следната година во Месечевата орбита ќе лансира сателит којшто во целост ќе биде финансиран со криптовалутата Dogecoin.
“SpaceX ќе лансира сателит на Месечината следната година, а мисијата ќе биде финансирана со Dogecoin“, напиша Маск на Twitter.
На интернет страницата на канадската компанија, Geometric Energy Corporation, којашто е сопственик на сателитот, наведено е дека ќе биде лансиран во првиот квартал од 2022-ра година, со помош на ракетата носач Falcon 9.
Испраќањето на сателитот компанијата ќе го изведе со помош на комерцијалната програма за лансирање вселенски летала што ги нуди SpaceX, а вредноста на бизнисот не е позната.
Фото: Pexels