Најголемиот синџир на кафетерии, Starbucks забележа раст на добивката во првото тримесечје од оваа година. Од јануари до март Starbucks ја удвои нето добивката на 659,4 милиони долари, а приходите се позиционираа на 6,7 милијарди долари, што е пораст за 11%.
За фискалната 2021-ва година, Starbucks предвидува приходот да се движи од 28,5 до 29,3 милијарди долари, што е незначително повеќе во однос на претходната прогноза. Зголемени им се и прогнозите за добивката.
“Многу сум задоволен од нашиот напредок. Состојбата во САД целосно закрепна од кризата што ја предизвика коронавирусот“, рече извршниот директор, Кевин Џонсон.
Целта на компанијата е до 2030 година да достигне 55.000 отворени кафетерии ширум светот, а во овој момент има околу 33.000 продажни места.
Фото: Pixabay
