Бројот на активните деловни субјекти во Република Македонија во 2015 година изнесува 70.139, покажуваат податоците на Државниот завод за статистика.
Најголемо учество во структурата имаат секторите: Трговија на големо и трговија на мало; поправка на моторни возила и мотоцикли со 23.843 субјекти или 34% и Преработувачка индустрија со 7.639 субјекти или 10,9%. Најмала застапеност имаат секторите: Рударство и вадење на камен со 173 субјекти или 0,2% и Снабдување со електрична енергија, гас, пареа и климатизација со 160 субјекти или 0,2%.
Податоците за структурата на активните деловни субјекти според бројот на вработени покажуваат дека најголемо учество од 80,2% имаат деловните субјекти со од еден до девет вработени. Потоа следат деловните субјекти без вработени или субјекти со неутврден број на вработени (без податок за вработени) со 10,4%, па субјектите со од 10 до 19 вработени со 4,3%, потоа субјектите со од 20 до 49 вработени чие учество изнесува 2,8 %, со 1,9% учествуваат субјектите со од 50 до 249 вработени и само 0,3% од активните деловни субјекти имаат над 250 вработени.
