Во просториите на НУБ Свети Климент Охридски во Скопје, вчера започна манифестацијата Стипендии ЕКСПО 2012. Настанот свечено го отвори Британскиот амбасадор, г-дин Кристофер Ивон, кој ги охрабри сите земји и нации да ги прошират своите хоризонти и отворат вратите за идните лидери.
Годинава настанот се одржува по трет пат и е организиран од страна на “Образовно-информативениот центар” од Скопје.
Стипендии ЕКСПО 2012 нуди единствена можност на едно место да се презентираат голем број на опции за стипендирање и други форми на финансиска помош за студирање на голем број странски и домашни универзитети.
Овие стипендии придонесуваат во голема мера да се надминат финансиските пречки кон повисокото образование, што директно влијае да се зголеми процентот на високо образовани луѓе, кои понатаму би биле движечка сила за континуиран економски раст на Македонија и созадавање на едно образовано општество.
Манифестација која е од национално значење, на едно место ги собира универзитетите, министерствата, амбасадите и културните центри во Македонија, како и претставници на бројни компании, фондации и невладини организации.
На овогодинешниот Стипендии ЕСКПО настан помеѓу учесниците се:
- Образовно-информативен центар, Скопје, Р. Македонија
- Висока школа за новинарство и односи со јавност, Скопје, Р. Македонија
- AMERICAN CORNER, Скопје- Битола- Тетово- Штип- Струга
- HULT International Business School, Лондон, Дубаи, Бостон, Сан Франциско, Шангај, Сао Паоло, Њу Јорк
- London School of Business and Finance LSBF, Велика Британија
- Sustainability Management School Швајцарија
- Universita Cattolica del Sacro Cuore, Италија,
- Fontys International Business School, Холандија
- EAE Business School, Шпанија
- University College Dublin- Study group, Ирска
- Chevening – UK Government Scholarships, Велика Британија, и други.
Спонзори на манифестацијата се:
- Politecnico di Milano, Италија
- Universita Cattolica del Sacro Cuore, Италија
Сите заинтересирани и денес можат слободно да ги посетат просториите на НУБ Свети Климент Охридски, каде што се одржува Стипендии ЕКСПО 2012 и да се запознаат со начините и можностите на стипендирање на големиот број домашни и странски универзитети.
