Стриминг платформите во 2020 година имале 1,1 милијарда корисници, приходите над 68 милијарди долари

10

Во 2020 година, корисниците кои користеа услуги за стриминг преку интернет го надминаа рекордното ниво од 1,1 милијарда. Ова е зголемување од 26 % во споредба со претходната година, според информациите на Motion Picture Association.

Во САД најмалку 308,6 милиони домаќинства се претплатиле на видео-услуги на интернет во 2020 година, што претставува зголемување за 32% на годишно ниво.

Пандемијата Ковид-19 донесе бројни предизвици за економиите ширум светот, но филмската, телевизиската и стриминг индустријата “ја држеа публиката поврзана и забавувана“, изјави Чарлс Ривкин, претседател и извршен директор на Motion Picture Association во соопштението за јавноста.

Меѓународниот пазар на дома/ мобилни стриминг услуги оствари глобален приход од 68,8 милијарди долари, што е за 23 % повеќе во однос на 2019 година. САД придонесоа со 30 милијарди долари за овој приход во 2020 година.

Зголемената побарувачка за услуги за стриминг преку интернет помогна да се неутрализираат финансиските удари што ги претрпеа кино благајните поради пандемијата на коронавирусот, јавија американски медиуми.

Фото: Pixabay